يا لافي
يا لافي إن مر يمّك بدر يا لافي بلغ سلامي وعلّم يرجح الكفّة قله رفيقك رقى في راس مشرافي يمد شوفه وشاف أوضاع ملتفّه مرت سنين الزمان وقفّت عجافي ما حسّب حساب تاليها ولا صفّه يشيل حملٍ ثقيلٍ فوق الاكتافي ويعز نفسه لجل مبداه والعفّة طيب معافى ولايشكي من خلافي لكن علمٍ تمناها وغدى شفّه علم ليا مر عكّر جوه الصافي تغيير بعض الامور يصيبه بخفّة دنيا عليها الفقير ولو مشى حافي التاجر المعتبر ما مد له كفّه الأمر واضح ومتبيّن ماهو خافي يجيبها الحظ ولا تعود منكفّه هذا قبل عن كلامي يقصر القافي له يدفعه موج شعري جانب الضفّه قله على حلها ياصاحبي وافي حلالها يوم جاتك سرب مصطفّه ودي وابي حلها من باب الانصافي ون كان قصر كلامي يالخوي وفّه |
الشاعر القدير فهد نفيع البدراني صح لسانك ملايين شاعر مميز لاتحرم المنتدى من قصايدك وافكارك |
الشاعر / فهد نفيع
صح لسانك وبيض الله وجهك وكما قال الشاعر /علي بن زيد لا تحرم المنتدى من قصائدك ودمت بحفظ الرحمن |
ابدااااااااااااااااااااااااااااااااااااااااااااااا اااااااااااع
صح لسانك |
صح لساااانك يا ابو عبد العزيز مليار واضم صوتي للأخوة لا تحرمنا من ابداعاتك يا ابن العم
لك فائق احترامي |
الساعة الآن 09:23 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM