قالو تعلمت قلت عناد وفراسه =اجاهد النفس والدنيا واصارعها
ودرست في مدرسه من شيبت راسه =دنيا العنا للي قضيفات مطامعها
تلميذها دايم تكتب بقرطاسه=تعطيه جملة دروس مايضيعها
والله عطانا نظر وشعورحساسه=ناخذ علوم المعرفة من مراجعها
ونساير الوقت ونقيسه بمقايسه=ونواجه النفس بالواقع ونقنعها
وترى حياة الفتى مهما قوى باسه=محفوفه بالخطر والموت تابعها
من مبتدى العمرحتى يلفظ انفاسه =يمر في مرحله تكثر زوابعها
اول حياة الفتى مشوار وعساسه=مسافه في عجاج العمر يقطعها
وثاني حياة الفتى تدريب ودراسه=تصعب ظروف الحياه وينشغل معها
وثالث حياة الفتى يرجع على ساسه=النقطه اللي بدا منها يرجعها
وليا تلاقت متونه وارتخى راسه=علومه اللي مجمعها يضيعها

ياعاشق عن سيرة الحب سولفت=جسمك سليم ورمش عينك يرفي
لو ذقت من لوعاته عرفت وتعرفت=واعلنت بالواقع وقوفك بصفي
انا على درب المحبه تكلفت=عطشان واطرد لي سراب مقفي
ابحرت في بحر المحبين وانكفت=وصفقت من كفي على راح كفي
وعند النهايه شفت بالحب ماعفت=وسحبت من سجل المحبه ملفي
لو المدى وقت مضى ماتحسفت=اخذت من طرد العنا مايكفي
بس البلا من موقف فيه وقفت=على شفا رجم طويل مشفي
رجم العنا اللي ليتني فيه ماشرفت=ولاشفت من شوفه على شف شفي
مخلوق ماشفته على كثر ماشفت=ورى الستار من الجمال متخفي
يصد عن هرجي وهو يفهم الكفت=يبيني اصفق راح كفي بكفي

حنا بدار مدلهة صدر من ضاق = بلغ سلامي للزلامي و قله
يا عابد الصوره على بيض الاوراق =دارك عرفناها و علتك عله
ان كان حبه محرق قلبك احراق = شد الرحال و درب عمك تدله

أنتم بدار مدلهت صدر من ضاق =وأنا أتخيل صورته مخلص له
ما تعرفونه يا رديين الأعماق = هذا الفهد ذخر الفهد في محله
اللي ليا شطت ويبسن الأرياق =أنته وأنا ومعزبك تحت ظله
والله أحبه حب مخلص ومشتاق = واحب حتى صورته في المجلة
حنا سعوديين يا طاق طرباق = احرار ما عشنا بعيشة مذله
رجالنا لو هو على مكسر الساق =حب الكرامه و الوفا عادة له

الاخ العزيز

ابن شنوت

مشكور على النقل للشاعر العلم رشيد الزلامي


وصح لسان الشاعر


لك خالص الود