يامل عين تقل في نونها كروش=وسقم السهر زاد المعنى غباين
مذيولة بالطرف ماتقبل النوش=يوجع نظرها لمحة النور باين
علي وليف يامحمد له عروش=في داخل القلب المعنى جناين
بيني وبينه نايف البعد مطشوش=شعبان وهضاب ونفود قراين
ماتاصله لله مواتر هلا البوش=اللي لهم بالبر حفل ومزاين
تاقف ولايش والمكاين لهن غوش =بلف الهواء والنار راحوا عجاين
والقير والدفرنس يشكي من البوش =لو عشق النمره يصيبه وهاين
وإن حول المشتاق يلقاه مغشوش =ماصدق اللي صار بالعين كاين
وقام يتوجد والعباير لهن طوش =خلاه بالفرجه لعين الرساين
ليت الولي أعطاه من صنعة البورش=يبشر بعزه لو ركب بورش كاين
يرزم كما رعد علي الجو له دوش=وليا مسك خطه يزيل الغباين
اقصاه ماتحلق حدوده ولو نوش =رافع تحدي شركته بالرهاين
يعبر كما سهم مع الجوله موش=ماتميز اللوحات واستوب صاين
لاشفت زوله قلت بالنحت مرشوش=مثل الوحوش بوقت نصب الكماين
محكور مايقبل زيادات ورتوش =كيف المسافر بين بر ومداين
مركب شيوخ الناس قواد الجيوش=اللي لهم بالطيب سر وعلاين

الاخ الغالي سند

السلام عليكم ورحمة الله وبركاته

الله يعطيك العافيه على هالقصيده وتقبل مودتي