ومن باع ربعه بالمواجيب بريال للشاعر عوض بن ركيان
بسم الله الرحمن الرحيم
بديت من الهاجوس في راس ماطال =وقلبي من الهاجوس يصلاه صالي ماهمني دينن ولاهمني مال =رزقي على المعبود منشئ الخيالي يسوقني الهاجوس بقفاي وأقبال =ونصبر على الأيام والعمر بالي ولا ألوم عينن تسهر الليل عمال =اليا لامني خبلن من العقل خالي اليا شفت بعض الناس بالهرج محتال =مابيع عقلي مع طريق الهبالي واليا بدعت القاف في رد الأمثال =نعرف طريق المخطيه والعدالي ماني ضعيف النفس ليا ضاقبي حال= أنا أحمد الله مستوى النفس عالي ياعبيد حنا أخوان وعيال رجال =ومقدارنا معروف عند الرجالي علمن عليه شهود من عصر الأجيال =بالموقف الغصاب ماقصر حبالي يوم الرجال مطوعة كل من عال =تاريخهم بالبال مثل الخيالي أهل الوفا والجود وافين الأخصال =أقفت عليهم سود غبر الليالي دنيا تفرق بين راحل ونزال =ياما خذت من مكرمين السبالي يوم الأمور ويوم تاريخ الأفعال =واليوم عاش الذيب وسط الحلالي ورفيقنا ندراه من الشمس بظلال =وأقوم من دونه بحالي ومالي ومن باع ربعه بالمواجيب بريال= راحت حياته طول عمره وبالي نغضي عن الزلات ونؤمن بالأعمال =والكامل المعبود رب الكمالي الشاعر عوض ركيان البدراني |
صــح لسان الشاعر /عوض بن ركيان البدراني
ويعطيك العافيه يا بو عبد الله تحياتي لك .... |
صح لسان الشاعر عوض بن ركيان البدراني
وصح لسانك يابو عبدالله قصيدة رائعة وجزله روعة شاعرها لك فائق التحية والتقدير |
صح لسان الشاعر /// عوض ركيان قصيده جزله ولاهنت يابوعبدالله على النقل الجزل والطيب
احترامي وتقديري |
الساعة الآن 07:55 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM