إهداء للشيخ / نايف بن ضاوي بن فهيد
بسم الله الرحمن الرحيم السلام عليكم ورحمة الله وبركاته هذه القصيدة إهداء للشيخ / نايف بن ضاوي بن فهيد يـــقول من زين التماثيــل يشعـــــــــاه ** لــوحـى مليح الشعر يشعــــاه شـاعــي سلام ياشــيخ(ن)عـلى الطيب ممـشـاه ** يــاطيب الخـــــــــوه طويـل الـــذراعي شـيخ(ن)مشـاريـــه الـرياجيل تنصــاه ** بـالجـاه والفزعــــه وطيب المسـاعـي من حـدته ســـــود الليــــالي تمنــــــاه ** وإن جـــاه وضعه زان بأمـرالمطـاعـي لـه بالوفاء بيت(ن) طـوال(ن) حجـاياه ** عن السهــــل متعلين بــــالــرفـــــاعـي بنـوه جــدانـــه وهـــــــو زاد مبنــــــاه ** حــــافظ على المجد التليد الشجـــاعــي مجد(ن) يخــبرون القبايــــــل مزايـــاه ** مــايجحده عــاقـــــــل ومبصر وواعـي يعلم بــــــه الله والعرب كلن اوحـــــاه ** يــوم الوطن غـابه ونــــاسه سبــاعــي ويـــــوم الامـــــاره ماتجي بالـمـداراه ** ولاينتقدم بــــالــــرجـال الـــــرعـــاعـي اقـــــولها من صدق مـاهي محــــابـاه ** ولانــي مـــدور من وراهـــــا متــاعــي لكن جمــيل الـــرجل يبغى مجــــــازاه ** لــــو كـــان عن رده قصر طول بـاعــي بس اذكره لا جــــــاء مجاله وطريــاه ** لــــو مـرني بـــالنـوم فـــــــزيت واعـي وإن جاء مجال الشعروانساق معنـــاه ** يدعـيه لمــداح ابيض الــوجــــه داعـي المــدح يـــازينه لمثلـــه وشـــــــرواه ** لاجيت اقــوله فــــابيض الوجه طاعــي اللـــي خويـــه ماشكا من خــطايـــــاه ** ولاعـــــامله في طرق لـوي الـذراعــي نايف على اسمه نــــايفات سجـايــــاه ** يــــاقـل مثله بالخـــوي يـــــوم اراعـي عسى صـــواديف الليـــالي تعــــــــداه ** وعســاي ما اسمع له مع الناس ناعـي مـــادام هـــــو بــالفــــــوج والله والله ** لبقى خويــه لــين يطــــــــوى شراعـي وان مسني من جاير الوقـت مجفــــاه ** أجــــيه وتصدر همومي إمـــــــــزاعـي وصلاة ربي فــــأول القـــول واتــــلاه ** عـلى شفيع الخلق يـــوم الشفـــــاعــي الشاعر / حمود بن ناصر البدراني |
يطيك العافيه يا تركي
وصح لسان ابن نا صر ويــــستاهل ابن فهيد |
يستاهل المدح من يمدحونه الناس
لان الناس شهود الله فى ارضه صح لسان الشاعر حمود وشكرا على النقل يااخ تركي |
أخي ضيف الله و انت ياخي محمد
أسعدني مروركم وشكرا جزيلاً لكم . |
الساعة الآن 02:47 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM