مساجلة شعرية بيني وبين الشاعر علي هليل الحربي
هذه القصيدة وردتني من الشاعر العذب علي بن هليل الحربي وهي قصيدة راقية رقي شاعرها أمل ان تحوز على رضاكم واستحسانكم سلامن احلى من حليب المصاغير = اللي على مقهورها ما تعدت ما تاكل الا شابكات النواوير = في خايعن يمّه لها أيام شدت قدامها ماطب قاعه سوى الطيّر = تشبع ضحى ما عينها فيه لدت ينصى مداغيش الرجال المشاهير = اللي حبال عزومهم ماتردت نوادرن مثل السيوف البواتير = والاالطيور اللي على الصيد هدت مرور ذكراهم على خاطري غير = لولا الظروف لشوفهم لي تحدت ما اقول غير الا اجتمعنا على خير = عسى رياحن جابت العطر ودت ازكى سلامن صغت فيه التعابير= من كف يمن لازرق العود مدت وهذا ردي عليها / يامرحبا مثل العسل ذوقته غير = صافي وعمر النفس ما عنه صدت مقطوف وقت العشب جاله زواهير = وتو الخلية بالربيع استجدت اقدمه لاهل الوجيه المسافير = الي اليا جات المواقيف عدّت مدلهين ضيوفهم والمسايير = ويدينهم على الردى ما تمدت ربع الشجاهه والرجال المناعير = وخيولهم ياكم على القوم كدت وختامها مني تحية وتقدير = والمعذرة عجزت حروفي ماسدت |
صح لسان الشاعر //علي بن هليل الحربي
وصح لسانك اخوي ابوناصر مساجلة جميله جدااا واكثر من رااائعه تحياتي وتقديري |
صح لسان الشاعر //علي الحربي
وصح لسانك اخوي ابوناصر |
صوت وصدى ولاأرووووع .. صح لسانك أيها (العمده) ، ولسان الشاعر / علي هليّل . بارك الله فيكم تحياتي للجميع |
اقتباس:
الغالي مشاري البدراني صح بدنك ويعطيك العافية سعدت بمرورك العطر لك تحيتي وتقديري |
الساعة الآن 11:57 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM