مساجلة غزلية
بسم الله الرحمن الرحيم أخواني الأعزاء أضع بين يديكم مساجلة آمل أنت تحوز على رضاك وهي تعود لعام 1425 هـ عسى من حــدانـــي عـنـك يازينة الخفرات *** عـلـى الـفارقو خفر الـسـواحـل يـحـدونــه لـقـوا جـرتــه بــالــــرد الأول اســبــوع ٍ فـات *** طريق(ن) لـعـصـمـان الـشـوارب يـدلـونـــه وتهقوى على فرت(ن) جديد(ن) من الهافات *** تـواصـيـف زيـقـه بـرقـع (ن) فـوق مزيـونـه بعد وردت الـخـمـسة قبل وردت الـسـبـعـات *** هو السـت والـسـتـيـن يـاللـي تـعـرفـونـه ياليت الـشـبـاب يـعـود وتـعـوّد الـــهـــافـــات *** أنا حالف(ن) لاشـريـه فـي مــا يــحـدونـه ولاهمـنـي جـمـس(ن) ولاهـمـنـي جـيـبـات *** يـــقـــولـــون ولا مـا يـقـولـون مـــــادونــه أنـا يـاحـمـود لـيـا ذكـرتـه عـقـب غــفـــــلات *** سوات السجين اللي ورى الباب يدعونـه أعنّز عـلـى قـرم يـنـومـس ولــه فـــزعـــــات *** يعزّ الـنـشامــا والـنـشـامـا يـــعـــزّونـــــه ولد شايب(ن) له وقفة(ن) مع هلا الـوقـفات *** وجــده لـيـا ضيّق على الهجن يـنـخـونــه الشاعر / مهدي براك ورد الشاعر / حمود ناصر وصلني من اصحيبي يجي حول عشر أبـيات *** بـيـوت(ن) عن التقصير والشك مضمونة نوادر ذهب ماهي من اللـي تـجـي هـــزلات *** ماهي من كـلام الشلـه اللـي يـلـوّونـه هلا مرحبــــا واهـلـيــن يامـطـول الغـيـبـــات *** أقوله ومثلي نــاس واجـــد يـقـولـونــــه أعــــزّك وأداري مـن يـعــزّك عــن الـــــــزلات *** ونفس(ن) تغط الـنـور بالزور مــلـعــونــه ولكن عسى ماباس ياشــاكــي الـخـفـــرات *** يجاوبك قلب(ن) بيّح الــود مــكـنــونــــه عسى واحد(ن) يلحقك في حبهن شرهـات *** يجون العرب بأغلى عـيـالـــه يـعــزونـــه لو انـك بـعـمـرك مـابـقـي لك كثـر مـافــــات *** لـكـنّ الـمـحـبـة داخل الـقلب مـدفـونـــه يلومك غشيم(ن) ماخذا بالـهــوى صــــولات *** ولا قط جرب لـــوعـة البعد وشــلـــونــــه تولم نبا نمشي لــه الـصـبـح جــاهــيــــــّات *** على موتر(ن) مـاكـمـل ألـفـيـن طبلونـه على الباب الأيــمــن لاتـقـرّب من الــطــــارات *** أنا أخدمك في قيره وطارة دركـسـونــــه نبي ناصل اللي خــدهــا كـنـــه اللمبــــــات *** عسى والي أمره يـعـرف الـجاه وفـنونــه ولن وافقوا دوك القلم واكتب الـشيكــــــــات *** عليك الكتابة وازهـل الـلـي يـــفــنـونـــه وكـان إن أبوها عـيـّة من حــدا الـعيـّـــــــــات *** نخلــيــه ونخلي طـعـامــه بـمـاعـونـــــه ونمشي لدار(ن) عشبها غادي(ن) زافـــــات *** نجاوب حـمـام الــورق ونـغـنـي لـحـونـــه ونـاخذ بـهـا ترفيه عن مــا حـصل بــالـــــذات *** على شان نفسك منه بالغيض مشحونه خويـك يـبـا خـوتـك يـاطـيـب الـــــهـــــــــدّات *** يشيلك ليا ماشــالك الـجـيـب بـعــيـونــه الشاعر / حمود ناصر البدراني |
صحت السنتهم...
وماقصر حمود كفى وفى... |
أخي العزيز تركي
صح بدنكـ أسعدني مروركـ كـثـيـراً |
صــحت السنتهم وشكرا لك يا تركي
|
صح بدنكـ
وشكرا على المرور |
الساعة الآن 03:52 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM