شوارد الافكار
شـوارد الأفكـار لا تمتحـنّـي
___________ يا الله عسى ما للشوارد شريـده ياليتها فـي خاطـري تستكنّـي __________ القلب هايـد والجـوارح مهيـده خافي من الله لا تخافيـن منّـي __________ يا مشغلتنـي بالعلـوم الجديـده اللي شحنك من الطواري شحنيّ _________ولا لك عليّه حق شرع وعقيـده أقرا آية الكرسي على كلّ جنـيّ ________ إليا ربطتـه بالحبـال الجويـده وأفك ريقي بالرجـاء والتمنّـي ________ وأمسي على قول الهقاوي بعيده وحلمي خليط ألوان وردي وبنّـي _______ فقير وأحـلام الفقـارى عديـده يسوقني للشعر رمـح المطنّـي ______ أكتب براس الرمح جمله مفيـده ولاهوب والله من طرب يوم أغنّي _______ مهموم وأطقّ الحجـر بالحديـده أبدع قصيده كلّ ما قمـت أونّـي _____ سويّت لي مع كل ونّـه قصيـده ولا زلت ألوّح للبشاير لـو أنـيّ _______مدري متى حزني يغلّق رصيـده في فزعة المعبود ما خاب ظنّـي _________لا خاب ظنّي في مكـارم عبيـده الله يوفقنـي وأعيـش متهنّـي ________ وآخذ من الأيام فرصـه سعيـده للشاعر/// ســداح العتيبي |
مشاري البدراني
انتقاك للجزل من الشعر دليل على جزالتك يامشاري في فزعة المعبود ماخاب ظني=ولاخاب ظني في مكارم عبيده صح السان الشاعرسداح العتيبي الشاعربدرالبدراني |
صـــح لسانك يا مشاري البدراني ولسان شاعرها سداح العتيبي
تقبل مروري |
بسم الله الرحمن الرحيم
أقرا آية الكرسي على كلّ جنـيّ ________ إليا ربطتـه بالحبـال الجويـده الاخ مشاري احتيار جميل ومعبر لك الود |
هلا ومرحبا اخوي بدر راشد والله يسلمك وشاكر لك مرورك الطيب والاكثر من رائع
|
الساعة الآن 03:44 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM