في حفل ربعي عزوتي يا حــي والله ها لرجال !!!
في ليلة بهية اضاءت انوارها سماء قرية الماوية لابد للمشاعر ان تسطر واليكم هذه الابيات لعلها تروق لذائقتكم ( وكل عام وانتم بخير )
بديت باسم الخالق العلام في كل الحــــــــــوال = علام بنفوس البشر واللـــــــي تكن صــــــدورهــا جات المعاني من فؤادي كنّها جـــــــــــــم زلال = لاشك للشعار كلمه من صميـــــــم شعــــــــورهـــا في حفل ربعي عزوتي يا حــي والله ها لـــرجال = في عصرنا الاول وبالتالي ما يجهـــــــل دورهـــا لهم مواقف بالوفاء والطيــــــــب واكرام السبال = هذي حقيقة والحقــــــائق ما يغـــطى نـــــــورها في ظف شيخ وان قلط يرسي كما ترسي الجبــال = نايف حليم إن كبرت القـــــــالات هو دكتـــورها الشيخ ابن راجح صليب الراي وإن كثر الجدال = أنشهد إنه من رجال ما يــــــؤخر شــــــورهـــــا واحيي الرجل الشجيع بموقفه قـــــرم العيـــال = شيخ ولد شيخ من رجال طـــــــوال شبــــــورها محمد ولد ناصر عريب بين جد وبين خـــــال = مـــــــاكر حرار ما يجي فيها يا غير صقـــــــــورهــا ومسابقة فرحة وطن فيها ابتهاج وابتهـــــــال = بعودة ملكنا صاحب الفزعـــــــــات عند عسورها باقول كلمة صادقة من بعد ما جالي مجــــــال = إنك يا ابو متعب لنا عز البـــــلاد وســــــــــورهــا الحمد لله بعد شافاك الــولي والهــــــم زال = زال المرض عنك انتهى .. الله يزيـــــد ســـرورهـا فرحت وطن عمّت براريها وجبلها والســهال =عمّت مدنها والبحر والبدو وســـــــط خــــــــدورها انت المليك الشهم راع الطيب مداته جـــــزال = وانت الشجيع عداك يرجع كيــــــدها بنحـــــــورها يا كم محتاج(ن) رفع يـــــــــده إلى ربه وقال = يا رب جنّب قايــــــــد الامـــــــة جميع شــــرورها ولك يدعي الشيبان مافيهم على الوقت احتمال = ويدعون لك يتمان وأرامل قضى مذخـــــــــــورها يا فزعة المظلوم يا شيخ العدالة والعــــــدال = لك وقفت حتى الفقـــارى زرتــــــــها في دورهــا يا الله سالتك يا ولي العرش ربي ذا الجــــلال = تحفظ لنا قائد وطنــــا بــــــرها وبحـــــــــــــــورها يا الله ترحم شايب عقب لنا وافي الخصـــال = عساه في الجنه ويقطف من جميـــل زهـــــــــورها |
الله الله ,, صح لسانك ياشاعرنا الكبير , حين تجتمع العاطفة الصادقة مع الشعر الجزيل تظهر لنا مقطوعة شعريه تضاهي مقطوعات بيتوهفن ,قصيدة تحمل الكثير من الإبداع وفيها تظهر براعة الشاعر المتمكن من أدواته والمميز .
صح لسانك . |
صح لسانك اخوي ابوناصر ملايين قصيده جزله ورائعه جداً لاهنت
احترامي وتقديري |
صح راسك ولسانك وقلبك يابو ناصر نظمت فابدعت وتجليت بكل صدق ومشاعر ورسمت لوحة الحفل الرائع واجتماع الكلمة وتوحيد الصف فهنياً لنا بك شاعر وناقد ومبدع . لك مني كل التقدير
|
استاذي الشاعر عبد المطلوب مبارك البدراني
صح لسانك وبيض الله وجهك يابو ناصر ونته ثروه وكنز ذهب للقبيله ولاقول غير الله يكثر امثالك ونذران عليه عند ماقابلك لاحب خشمك على هاذي القصيده لك الشكر مني وطال الله عمرك في حفل ربعي عزوتي ياحي والله هالرجال=في عصرنا الاول وبالتالي مايجهل دورها في ظف شيخ وان قلط يرسي كما ترس الجبال=نايف حليم ان كبرت القلات هودكتورها الشيخ ابن راجح صليب الراي ون كثر الجدال= انشهد انه من رجال مايوخر شورها ومحمد ولد ناصر عريب وبين جد وبين خال=ماكر حرار ومايجي فيها يغير صقورها لك الوفا يابو ناصر الشاعربدرالبدراني |
الساعة الآن 06:09 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM