ياما حلا شوف النشاما على الضو=ويجاذبـون السالفـه والقصيـدة
في جال طعسً كف عنه المطر تو=ريح الشمطري والخزامى تزيـدة
في ليلةً نصف الشهر مااحسن الجو=السمر يبرق صايـراً لـه وقيـدة
ودلال رسلاناً على الجـال ركـو=ريح البهار مع العويـدي فريـدة
واخيل من قبله بروقـاً مـع نـو=نسناسهـا خـلا حياتـي سعيـدة
جمعة قروماً مادخـل بينهـم( بـو)=علم المراجل كـل منهـم يجيـدة
مافيهم اللي قال يافلان قـم سـو=اطلب وتلقـى كـل شيـاً تريـدة
هذا ولد عمـاً وهـذا ولـد خـو=وهذا ولد خـالاً وهـذا عضيـدة
شوف النشاما يشرح البال والجـو=ينسيك هماً فـي خيالـك تعيـدة