منتديات البدارين - هلّي كما البدر غيظي كل حفاله=وسجي عن الليل لا يلهيك في صفه(ضيدان)

هلّي كما البدر غيظي كل حفاله=وسجي عن الليل لا يلهيك في صفه
يا شفة العين قبل تجين جـــماله=وجيتي ولا شفت غيرك لو رفع كفه
كنك لحالك حضرتي الحفل فالصاله=ولا شفت غيرك بشر يا قمة العفه
انتي بيمنا الحلا والناس بشماله=ثقيلة العـــــقل فيك الدم يا خــــــفه
احيي قصيد بغيت أبكي على اطلاله=في غيرك يموت لواحييه وازفه
وان عودت للغلا غلاك بلـــــحاله=انتي بكفه وباقي الناس في كفـه

ضيدان بن قضعان