منتديات البدارين - يقول ابن راجح وللقول برهان

بسم الله الرحمن الرحيم

صبحكم الله بالخير اخواني ادارة ومشرفي واعضاء منتديات البدارين

هذي القصيدة للشاعر /سعود بن محمد هاجد ابن راجح

احب ان يهديها لاخوته ابناء البدارين

فحملني نقلها لكم اترككم مع المشاركة على ان تحوز على رضاؤكم فهو غايتنا

يـقــول ابن راجـح وللـقـول بـرهــان = وان قــال ابـن يــدران والقــول تـمـه
ازمي على وضح النقا زميت حصان = ولاهمـنـي راع العـلـوم الـمـخـمـــه
اليا عسفت المـهره بسرج وعـنـان = وطــاعــت يـعـد خـيالـهـا فــار دمـــه
انـطـح بهـا العـدوان ماني بجـبــان = ومن ضربت المسموم بيذوق سمــه
الـيـا اتـزعيت وطاعلي كل شيطان = لاصــار حـالـبـتـن على خـشمه امـه
لاصـار بيـن وبيـن والعـلم نـيـشــان = لاصــار بـالـتـعـبـيـر شـــده وضـمــه
يـصيـر بـعـيـون المنـاعـيـر ديــــدان = لـــو يكـثـرون من السـوالـف ماهمه
لـو مـرة العـجا على الضـلع مــالان = مــاحـركـت حــيــدة ولاتـهـــز قـمـه
لاكن لـو مـرت على خضر الاغصـان = كـان اطـرحـت كـل الغصـون الملمه
من دون ربعـي وقفتي ترفع الشان = وقـفـة شـجـاعن واعـتـزا بأبنـا عمه
انـا اعـتـزي بـعـيـال زايــد وبــــدران = وان صحت في بدران جبت المطمه
بــدران ياللي بالجـزيـرة لكـم شــان = احـدودكـم في كـل وجـهـه ويـمـــه
حـدود في درع الـعـرب واخــر ابـان = للـغـاط مــع واديـه واخــر مـلـمـــه
ووادي عـيال العـود لحدود قحطــان = لاســد مــارب كــد شـربـنـا مجـمه
قبل الف عام من الزمن كون اوطان = وقـبـله مـن الـتـاريـخ والـمـجد تمه
بـدران ابن عـامـر وللمجـد عـنـــوان = يللـي تـبي تسـمـيـه بالمجد سمه

وسلامتكم ويستاهلون عيال زايد

دمتم بخير