قامت ترازم كنها بل ظميا !!!
قامت ترازم كنها بل ظميا = تبي قراح الماء ولا تقــــدر تجيـــــــه والبل حاديها من ارياه عميا= ومن عمست ارياه اتعب اللي يناحيه ويا ما اكثر الاحلام كل حلميا = وكلٍِ على دبرة وليه وباريــــــــــه وياكم وراد(ن) لعد احتزميا = وما هو مميّز بين ملحه وحاليـــــــــه هذي حقيقة والبشر ما انتظميا = اللي يجيب العلم واللي يؤديــــــــــه واللي يمينه ما تمد الشحميا = لا مكرمن ضيفه ولا ستر عانيـــــــــــه شحيح مدات(ن) ولا ينحشميا = جعله مهف مقيط ورشاه يتليـــــــــــــه والرزق من عند الولي انقسميا = محد(ن) بياخذ رزق غيره من يديــــه وما كل رماي رمى اجاد رميا = خطوة رمي ماهو قريّب مراميــــه قولوا لمن يطمع برفع العلميا = وهوه صخيف جنوب شينه مباديــــه يرتاح في ظل العشر والسلميا = يتعب ذلوله دون مصلوح له ليـــــه أحدٍ فهم قصدي واحد مافهميا = ومالي على بعض الخلايق مشاريــــه |
استاذي عبد المطلوب البدراني
احدن فهم قصدي وحد مافهميا==ومالي على بعض الخلايق مشاريه صح لسانك يابو ناصر الله يعطيك العافيه الشاعربدرالبدراني |
صح لسانك مليووون يابوناصر قصيده جزله ورائعه جداُ تحياتي وتقديري |
صح لسانك ايو ناصر
قصيدة جزلة ورائعة |
شاعرنا الغالي بدر راشد البدراني
صح بدنك وسعدت جدا بمرورك العطر لك تحيتي وتقديري |
الساعة الآن 08:32 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM