قالوا هبيل وقلت جايز لي هبالي ......
السلام عليكم ورحمة الله وبركاته مساكم شعر ... على ماقالوا .......؟
قالوا هـبيل وقلت جايـزلـي هـبـالـي=هبال طيـب ولا صحـاوة رخامـه
هذا البيت المشهور صاحبه : مسلط بن شعيفان ابو اثنين السبيعي . وهو اقرب خوي للامير الوليد بن طلال وهو من قال له انت مهبول .. قصة هذه الابيات هو انهم كاانوا مجتمعين فسأل الوليد بن طلال مسلط : من اطيب جدك ولا جدي ؟ ؟ ومن المعروف ان سبيع لهم دور كبير في فتح الرياااض ؟؟ .. رد عليه بن شعيفان وقاال جدك ونعم فيه لكن لم يمكنه من الحكم الا جداااني.. بعدهاا زعل الوليد وقاال (( انت مهبووول )) .. بعدهاا زعل مسلط وارسل الى الوليد هذه الابياات ومااكان من الوليد الا ان ارجعه مع مبلغ كبير من المااال .. وهذه هي القصه الحقيقيه... اليكم الابيات :
يا أمير أنـا عنـدك حشيـم وغالـي=ولا احب انا شئ يمـس الكرامـه نفسي تـروم المرجلـه والعوالـي=هـذا هـدف نفسـي وهـذا مـرامـه تاجرت في بـاب الشكالـه بمالـي=بعت الرخامه وأشتريت القرامـه قالواهـبـيل وقلت جايـزلـي هـبـالـي=هبال طيـب ولا صحـاوة رخامـه هـذي تفاصيلـي وهـذي خصالـي=يقول اللي مـا زهـد فـي كلامـه أن جزت لك فأنا الرفيق الموالي=وأن عفتني مسموح ومع السلامه دور وتلـقـالـك رفــيــق بــدالــي=وكـل يبـي رفقتـك تـرفـع مقـامـه تحيااااااااااتي واشوااااااقي عبدالله بن سدحان البدراني |
الاخ العزيز عبدالله سدحان البدراني مشكور على النقل الجميل تقبل خالص الود |
الاخ العزيز عبدالله سدحان البدراني يعطيك العافية نقل رائع ومسلط على اسمه تحياتي لك |
الاعزاء / السيسبان تركي الزايد كنت اتوقع مروركم تسلمووووون تحياااااااااتي |
نفسي تروم المرجله والعوالـي=هذا هدف نفسي وهـذا مرامـه تاجرت في باب الشكاله بمالـي=بعت الرخامه وأشتريت القرامه الاخ عبدالله بن سدحان البدراني يعطيك الله العافية على الاختيار الموفق وتقبل كل ود |
الساعة الآن 10:49 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM