من فريد اكيد مانجهل فريده
لي ثلاث شهور ماقلت القصيده= طايبه نفسي من الدنيا واهلها كثرت الافكار والنفس العنيده=ماتحمل هرجة الناس وزعلها يوم فاح الدم في داخل وريده= حرك الهوجاس والحربه نسلها من فريد اكيد مانجهل فريده= شفت ناسٍ مرها خرب عسلها يحشمون الرجل من واقع رصيده= الطمع ضر العقول ولا عقلها صارت الاموال غايتنا الوحيده=والاوادم غشها كثرت جهلها والصديق اللي على بالي وليده= برد اللقمه ولاسمى واكلها مايهمه شرهت اصحاب العقيده= كل حاجه تعجبه قام وختلها شرهت العاقل على العاقل بعيده= غلطةٍ تمشي وغلطه ماحتملها لكن ان جاته مثل ضرب الحديده= كف يمناه الكريمه ثم غسلها شال حمله والطناخه هي عضيده= ماحسب لنصافها والا هللها ان قدح زنده يولعها وقيده= من يضد النار كان انه شعلها علموا شقران عصاد العصيده= لحيت المقرود تجزى من عملها من يمد الهينه فوق الزهيده= يستحق الهينه دامه قبلها قالوا اهل العرف يخطيها البليده= عادة الشجعان ماتترك هملها وقفتي في واجبي تحمي بديده= والحمول الكايده تبغى جملها |
صح لسانك واعتلا شانك ياصنت
لك فائق احترامي |
صح لسانك اخوي صنت وبيض الله وجهك قصيده جزله واكثر من راااائعه لاهنت
|
الساعة الآن 03:43 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM