يا حيف
الثقة في الآخرين يجب أن تكون على حدود المعقول ، حتى لا تصاب بالحسرة والذهول ، قصيدة خاطبت فيها ابني حازم ووجهتها إلى كل أصحاب الأقنعة المزيفة .
يا حيف
هات الورق والبوك وهات المضاريف=القاف يا حازم طرى له مجالي أمس المشاعر حركتها الصواديف =الله يجيرك من صدوف الليالي مركب خيال ولا لقاله مجاديف =مده وجزه بين فكري وبالي مشاعري قامت وصارت ملاهيف =حتى احترق نبض الخيال وصفالي يا حيف من بعض الرجاجيل ياحيف=تكشفهم الحاجة وسود الليالي لاشانت الدنيا وجات المواقيف=بان النذل وبان زيد الهلالي عند الرخا تلقا علوم وسواليف=كلن يشوفك مثل ماقيل غالي ولا مالت الدنيا وهبت عواصيف=جلست في دنياك ماشفت والي أشكال ذولا ماعليهم تحاسيف=والله مايسوون عندي ريالي النذل لو يرقى بروس المشاريف=لابد ما يسقط على كل حالي لجله تعود للهمال المخافيف=والشامخة ماهي لكل الرجالي لو كانت الدنيا تجيلي على الكيف=لاعيش فيها خالي الفكر سالي واكتب على قلبي نصيحة بلا زيف=دنياك ون طالت ....ترا للزوالي =شعر / أبووليد |
صح لساك يا ابو وليد واعتلا شانك
لك فائق التحية والتقدير والاحترام |
صح بدنك يابو ناصر ولاهنت يا الغالي |
الساعة الآن 12:33 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM