يسقيك ياواد الرشـا مـن هماليـل=وبل(ن) هميله من سـواد الغيـوم
لين يترايع نايـف الجـال بالسيـل=والارض تروى سهلهـا والحـزوم
وتزين جلسات السمـر والتعاليـل=على ثـرى شفـي تزيـن العلـوم
واد الرشا شفي ليـا قيـل ماقيـل=ديرة هل الطـالات واهـل السلـوم
آل المغير ريف مـن لا لـه مقيـل=مقامهم .. ماغيرهم .. لـه يـروم
اللي يسالمهم على العـود والهيـل=وفي ماقف الشدة كعـام الخصـوم
زبن الدخيل محلحليـن الحلاحيـل=في ساعة(ن) تحتار فيهـا الفهـوم
من فعلهم كم شيخ(ن) اصبح بتبجيل=وامسـى عليـه يشققـن الهـدوم
كلام حق وصـدق مافيـه تبديـل=تشهد لـه افعـال العيـال القـروم
وختامها عـداد وبـل(ن) هماليـل=على النبي صـلاة منـش االغيـوم