يامن خبر مثلي شكى غربة الذات=صارت مسافة بين جسمي وروحي
تاخذ علي هموم الأيام غارات=وأضحك وصدري في همومه يفوحي
لولا الأمل ماعاش الإنسان لحظات=يموت من هول الزمان الطموحي
علي هم وصرت للهم مشهات=وقصرت زفراتي وخفيت نوحي
بين الخيال وبين حلم المسافات=مثل المسافة بين صمتي وبوحي
كان الزمن يكتب علي حسابات=دفعت غلطات الزمن من جروحي
قريت بوجيه الليالي علامات=وسجلتها همزة وصل فوق لوحي
قالو جهلت وقلت هيهات هيهات=في حلمي المنصوب لااسمع ولا أوحي
أببذل المجهود والناس هقوات=واللي يجي بالوقت لازم يروحي
أشد وأنزل والليالي مقيمات=مسراي غدرا والبوارق تلوحي
والصبر تاليه الفرج بالمهمات=والله كريم المد ماهو شحوحي