السحيمي ينفض اللحية ويطوي في معمه
السحيمي ينفض اللحية ويطوي في معمه محاورة بين مطلق وصياف
يقول مطلق ( رحمه الله ) :: السحيمي ينفض اللحية ويطوي في معمه طار عقله من شليويح المطيري والزلامي البعير اللي يشيل الحمل عود يرضع أمه بعد قالوا شامخ النيبان مردوم السنامي فقال صياف الحربي ( رحمه الله ):: السحيمي يوم غنى حطكم في راس كمه ثم خلاكم عجينه كن مافيكم عظامي الجمل يمشي على الدرب وكلامك مايهمه من هديره قمت من نومك وحرمت المنامي يقول مطلق ( رحمه الله ) :: الزمان اللي ستر حالك وحالي لاتذمه والحرم من دونه المسعى وبيبان السلامي أنت داب كل ماحرك شدوقه سال سمه والله إنا مانذوق السم يالداب التهامي يقول صياف ( رحمه الله ):: أنت ذيب تكره البارود لو إنك تشمه ماتحب النور الأبيض ماتحب إلا الظلامي الطعام اللي ليا شفته على صدرك تضمه لاتقول إنه حلال ولاتقول إنه حرامي يقول مطلق ( رحمه الله ) :: علموا صياف لايتبع خفيف الظل عمه دام أنا وياه فالمذهب وفي الطرقة ليامي قله إنا مانبالي اللي بنا نقال نمّه بعد عود بايعة بين القبائل مايسامي يقول صياف ( رحمه الله ):: أنت أشوفك كل ماتسرح تضوي لك مطمه تحسد المسلم على دينه ليا صلى وصامي لايزعلك الكلام اللي عسى ربي يتمه ثم بده مستريح بلا شراب ولاطعامي يقول مطلق ( رحمه الله ) :: كل شئ في طريقك يا أبيض الشارب تخمه لين ضيعت الفشق والبندقية والحزامي إن نثرت القش ياصياف ماتقدر تلمه وإن قربت من العرب ميسمك جوف النار حامي يقول صياف ( رحمه الله )::: لو يبي يتركك على باب الخزينه رحت يمه وإن نظر لك نظره حمراء تعديت النظامي المسافر مايطب البحر لين إنه يطمه يذكر الله في بلد مكه ويلبس له إحرامي ,, |
ياسلااااااااااااام
يعطيك العافية على نقل هذه المحاورة الرائعة ورحم الله الشاعرين صياف ومطلق اختيار رائع دمت بخير |
الاخ / محمد
يعطيك العافيه على نقل احدى محاورات الشاعرين صياف ومطلق الثبيتي رحمة الله عليهم نقل رائع وجميل ومتميز تحياااااتي وتقديري |
أنت ذيب تكره البارود لو إنك تشمه
ماتحب النور الأبيض ماتحب إلا الظلامي الاح محمد شكرا على النقل ورحم الله صياف لك الود |
الساعة الآن 04:37 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM