|
أطري على بالك
أطري على بالك
حبيبي نام ياعمري على صدري وصارحني=وفض الصمت باحساسك وخل الحب لي يجري وفضفض لي بعد عمري وعاتبني وفهمني=أنا أطري على بالك كثر ما أنته علي تطري؟! تعال أقرب من أحضاني ترى خدك مواعدني=يبي يلامس شغف روحي ويقطف بوحي من شعري تعال أنثر هنا ليلك وخل ويلك يولعني=أنا أحبك وأبي قربك.. ترى مني قضى صبري أنا نبضك زهر أرضك وأنت؟! ايه تملكني=بنحل خصرك ..جمر ثغرك وزود بلونك الخمري تتوهني .. تغرقني.. ومن بردك تدثرني=وتبكي لي وتشكي لي وله قلبك ومن سحري أبي دموعك مع أنفاسك بصدق الود تحرقني=وأبي عطرك مع سحرك وآهك بالحشا تسري أبي همسك يبعثرني غلا ولمسك يلملمني=وأبي عيونك من عيوني تذوب من الولع كثري وأبي عهدك مع وعدك وأبي كلك تسلمني=أبي أيدك تسافر بي وزهر قدك يلحفني وأهيم بعالمك عاشق جنوني أنت .. وانت بي تدري=تشوف الجمر بعيوني؟! تشوف الشوق جنني؟! أجل تدري مثل ما أدري بأنك حلمي يابدري=حبيبي قوم وصارحني عن احساسك وعلّمني =أنا أطري على بالك ؟! كثر ما أنته علي تطري؟ شاعرة غير معروفه |
صح لسان الشاعرة قصيدة جميلة وبالرغم من أنه يبدو لنا أنها قيلت في العصر الحديث إلا أن الغريب هو عدم معرفة اسم الشاعرة شكراأخي الكريم ضيف الله مناور البدراني أخوكم سلمان الحجيلي |
ابو وليد يسعد مساك تشكر على هالنقل الجميل موفق بإذن الله ... لك مني أجمل تحية .
|
اقتباس:
الأخ القدير سلمان الحجيلي شاكر على مرورك وشاعره غير معروفة أقصد بذلك غير معروفة إعلامياً أما بالنسبة لي فهي معروفة جداً !!! تقبل تحياااتي ،، |
اقتباس:
يسعد مساك وصباحك بكل خير يابو خالد ويسعدني تواجدك الدائم تقبل تحيااااتي وتقديري ،، |
| الساعة الآن 12:21 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
خريطة الموقع
mamnoa 4.0 by DAHOM
