ياغايتي وان قلت ياقــرة العين = ياللي غلاكم مندمج وسط دمي
انتم غذاء روحي على العسر واللين = وانتم علاجي كل مازاد همي
مسكانكم وسط الحشاء بين ضلعين = حدب الضلوع العوج فيكم تضمي
ارتاح لاقلتوا يابابا على وين = وخاف من جور الليالي واسمي
دنيا العنا ماخلت الزين والشين = تخلف ضنون اللي ورد كل جمي
في ذمتي غالين ياعيال غالين = واللي سبقكم بالغلا ابوي وامي
اللي بهم عنكم تميل الموازين = واللي غلاهم عن غلاكم يزمي
اطلب من الله يمهل العمر لسنين = وأشوفكم قبل الموكل يهمي
وأشوفكم بالخير والعز باقين = وأمجادكم فيها المغفل يذمي
لحقوق رب البيت راعين وافين = تمشون ممشى الخير مع كل يمي
وباللي غذتكم من حشاها رضيين = خفض الجناح وطاعةٍ تستتمي
مال الرداء ياصقور فيكم عناوين = أمحصنين أحصون خالٍ وعمي
هاذي حقيقة لاتقولون بعدين = خل الرجا بعض الرجاء مايتمي

المشاركة الأصلية كتبت بواسطة صنت البدراني (المشاركة 46867) ياغايتي وان قلت ياقــرة العين = ياللي غلاكم مندمج وسط دمي انتم غذاء روحي على العسر واللين = وانتم علاجي كل مازاد همي مسكانكم وسط الحشاء بين ضلعين = حدب الضلوع العوج فيكم تضمي ارتاح لاقلتوا يابابا على وين = وخاف من جور الليالي واسمي دنيا العنا ماخلت الزين والشين = تخلف ضنون اللي ورد كل جمي في ذمتي غالين ياعيال غالين = واللي سبقكم بالغلا ابوي وامي اللي بهم عنكم تميل الموازين = واللي غلاهم عن غلاكم يزمي اطلب من الله يمهل العمر لسنين = وأشوفكم قبل الموكل يهمي وأشوفكم بالخير والعز باقين = وأمجادكم فيها المغفل يذمي لحقوق رب البيت راعين وافين = تمشون ممشى الخير مع كل يمي وباللي غذتكم من حشاها رضيين = خفض الجناح وطاعةٍ تستتمي مال الرداء ياصقور فيكم عناوين = أمحصنين أحصون خالٍ وعمي هاذي حقيقة لاتقولون بعدين = خل الرجا بعض الرجاء مايتمي