اليا عرضلك عارض(ن) من عوارضك = عوذ مـن الشيطـان وانهـج وخلـه
لصـار ماهـو للسميتـة يحرضـك = درب السنـع يامطلـق الوجـه دلـه
يرجع علـى بعـض الاوادم يقرضـك = جنبه صخيـف وداخـل القلـب علـه
وليا لقـاك بـدرب ثانـي تعرضـك = يبـلاك فـي شـره وحقـده وغلـه
ينقلك النمـه علـى شـان يبغضـك = فصحابـك اللـي عـودوا صحبتلـه
وليـا بدتلـه حاجتـلـه يفـاوضـك = يظهر فرح لـو يبطـن الكـره كلـه
وليـا بدتلـك حاجة(ن)مـا يعوضـك = مولـم(ن)عـذره بـدقـه وجـلـه
ياعنك ابو وجهيـن ماهـو بناهضـك = وان طحت قـام يقـول خلـه ياعلـه
مثله مرض نقال عـدوى ويمرضـك = يعيـش بالدنيـا علـى كـل مـلـه
الشاعر / فهد ذعار البدراني