السلام عليكم ورحمة الله وبركاته
وصلتني عدة قصائد مرثيه في شاعر الخليج صياف بن عواد الحربي
(الله يرحمه)
وهذي أول رساله جتني وهي من الشاعر ممدوح محمد البدراني
ويقـول:
يحسن عزانا يالربع مات صياف=راح الزعيم اللي علينا فقيده
ستين عامن يحتمي كل ميقاف =ويبين فعله بالمواقف وليده
ستين عامن والعلم فوق مشراف =باسم القبيله رافعه ميكيده
يحير خصمه منه في صنعة القاف=يفتل وينقض كل معنن يجيده
شجيع ماهو بالمواقف خواف=قلبه على خصمه سوات الحديده
الشعربعده يرجيل ينعاف= راح البطل راع العلوم المجيده
سطر فعوله بالمهمات تنشاف=رحل لكن الطيب بعده رصيده
يالله يالي تدبل الحسنه اضعاف=يواحدان يعلم بنية عبيده
ياخلقن ذا الناس من كل الاصناف=والفرق عندك باختلاف العقيده
ياللي عبيدك تستعيلك وتطاف=يامحيين درالعضام الهميده
طالبك يالله تجعل ذنوبه اخفاف=وانك تمده بالثواب وتزيده
واتبعه درب الصحابه والاسلاف=وجعل الشهاده يوم يحشر تفيده
رحم الله صياف واسكنه فسيح جناااته