مساكم الله بالخير ...
هذي قصه حلوه اعجبتني وحبيت انقلها لكم........
بدايه القصه عن شايب اسمه حمدان وكان مثل مايقولون (قلبه خضر) ويحب البنات
فيه بنت كانت تسمع انه شاعر وانه مايتحرك احساسه الى مع البنات قال ابتاكد منه
راحت له وعطته السلام كيف حالك يا شايب رد السلام والله بخير الله يعافيك
وفجأه عطته ظهرها ومشت ولا استإذان
زعل الشايب من حركتها وقال هالابيات
يقول الشايب :
يا بنت خوذي خاطري وارحميني
لا تجرحين العود بعيونك السـود
غضي نظرك وغطي الوجنتيني
لعل يومٍ جدد الجرح مـا يعـود
يوم انتهى مع مرمسات السنينـي
جتني صواديفه على غير مقصود
باول شهر عشره نهار الثنينـي
حمدان مروا به على جنازة حمود
البنت كانت متمرسه في الشعروردت عليه وهو ما كان يدري انها شاعره
ردت عليه تقول
يا شايب الرحمن وينـك ووينـي
عزي لحالك قدمك الباب مسـدود
قلبك عطوف وجاه قلـبٍ متينـي
والبنت ما تشفق على مغازل العود
حبل الرجا مقطوع بينك وبينـي
مثل الغليث اللي رعا قلبه الـدود
اقفى شبابـك والعـرب مقبلينـي
يا عود ما يرجع من العمر مفقود
ورد عليها الشايب بعد ماتفاجا من قوة ردها.
يقول حمدان :
يا بنت صدي بالعيـون الظليلـه
لا صد عنك الله نهـار القيامـه
مالي ومالك يالفـروع الطويلـه
لو فيك من رسم البـداوه علامـه
يابنت ما لـي بالثمانيـن حيلـه
اهدف كما تهدف على البير قامه
اقفى شبابي والدهر شفـت ميلـه
يالله حسـن الخاتمـه والسلامـه
اعطيك موجز والبضاعـه قليلـه
واخذت لك من صافي الماء سنامه
وفي موقف ثاني بينهم صار هالمراده بعد..
يقول حمدان
يا بنت ما جاك الكبر والخشونـه
وعادت شباب اليوم يجفل من الشيب
ياسرع ما وبلـك تمـزع مزونـه
يالفاتنه يـا ام الثمـان الرعابيـب
يا بنت ما بينـي وبينـك مهونـه
كلمة شرف نبي تحيـه وترحيـب
الله مـن عـودٍ ثقيلـه طنـونـه
ينصاه راع المشكلـه والمواجيـب
على الكرم والديـن نفسـه حنونـه
تلقاه بالاجـواد شـرق وتغاريـب
تقول البنت
العود عود وطايحـاتٍ سنونـه
من كثر ما يرقد على جرة الذيب
عودٍ مهرقل والعرب ما يبونـه
ياعود ما لك في طويل المراقيب
اقفى شباب العود راحت حتونـه
مثل اليتيم اللي بكا ما له مجيب
جداه ينثر دمعة ٍ مـن عيونـه
غريق موجٍ ما لقا له مقاضيـب
وسلامتكم............