بندر بن سرور لا أحتاج للتعريف به أروي لكم اليوم قصيدة له
وردت القصيدة في مجلة المختلف ورواها الكثيرين ووردت في
ديوانه المقروء ....
(( قصـــــــــة حزيـــــــــن ))
سـر ياقلـم مالـي علـى الصـبـر طـاقـه=صبـري تعـدى الـحـد مـاعـاد ينـطـاق
أكـتــب لمـثـلـي قـصـتــه واشـتـيـاقـه=في خطك الواضح على بيض الأوراق
قـصـة حـزيـن.. صـافـي الـحـر ذاقــه=اليا ذكر ماصارله خاطره ضاق
بـاقـو بــه الأصـحـاب والـوقـت بـاقـه=وصـار الضحيـه بـيـن بـايـر وبــواق
يمشـي وهـو ماحـس فـي كسـر ساقـه=امسى على ساقين واصبح على ساق
هـذي سـواة الوقـت شيـن اصطفـاقـه=الـوقـت لــو يصـفـى لــك ايــام دراق
لاشــك يـامـن مـعــك عـقــل ولـبـاقـه=ابانصحـك كـان انـك للأمثـال تشـتـاق
صــادق رجـــال يـعـرفـون الـصـداقـه=يقفـون صفـك يـوم يبسـات الأريــاق
ومــن يـرغـب فـراقـك فعـجـل فـراقـه=جـاز الــذي يجـزيـك أفــراق بـفـراق
يقـولـه الـلـي جـايــر الـوقــت عـاقــه=ولازال فــي غيـبـوبـة الـهــم مـافــاق
حظـه علـى اقشـر شـي للنفـس ساقـه=بقبور الاحياء ينتظر يـوم الأطـلاق
الشاعر/بندر بن سرور القسامي العتيبي...
واخيرا ً اتمنى ان تعجبكم هذه القصيده التي نقلتهالكم
للشاعر الكبير بندر بن سرور رحمه الله ....
تحياتي وتقديري .. احمد البدراني..