مساكم الله بالخير,,,
قصيده جميله حبيت انقلها لكم ...
روحت منها مـا بقالـي ولا شـي=وعوّدت أسابق خطوتـي للمدينـه
أزريت أغيب أسبوع ماهوب بيـدي=هذي المدينة ...ما هي بأية مدينـه
هذي المدينة للمـدن كلهـا ضـي=والله حفـظ فيهـا رسولـه ودينـه
هذي المدينـة حبهـا فيكـم وفـي=محفوظ مع مـر الزمـان وسنينـه
هذي المدينة والغلا ماهـو شـوي=ألاّ كثير....ولا انتم بحاصـر ينـه
هذي المدينة نبضهـا دايمـاً حـي =بقلـوب أهلهـا والعلاقـة متينـة
سكانها مثل السمك داخـل المـي=ومـن لا يصدقنـي هنـا ساكنينـه
نقـوم نسألهـم إذا مـا بهـا شـي=والله كـلامـي كلـهـم قابليـنـه
وان كان حايل تفخر بحاتم الطـي=هنا الرسـول وصحبـه وتابعينـه
أكبر فخـر يتناقلـه سالـف لحـي=واعظم فجر أشرق ضيـاه بمدينـه
هذي المدينـة فالمـدن مالهـا زي =وما أخطى الذي قال "المدينه سكينه"
الشاعر فهد الغيداني الحربي