هذه القصيده وجدتها على مجالس حرب و الذي نقل القصيده ذكر
انها لشاعر شاب حربي لايعرفه شخصيا و قابله في احدى الاحتفالات
و القى هذه القصيده
اترككم مع القصيده
0
ياطير ياللي بالسمـا مرتفـع فـوق = تكفى طلبتـك شيـل منـي رسالـه
اطلع سما والحق على كـل ملحـوق = حتى تصيـر الأرض مثـل البيالـه
وانزل على دار نزل دون ساحـوق = دارالحروب أهل الوفـاء والشكالـه
ريف الخوي والضيف والعلم ماثـوق = عندي علـى ماقلـت علـم ودلالـه
اقلوبهم للي صفـا ريـش غرنـوق = وعلـى العـدو سـم تـورم حبالـه
وسلم وسلم لي على عقب مـرزوق = واختص عودي وانشده عن حوالـه
واسرع لعماني قبـل كـل منطـوق = وحاول تبـرز ببـو غالـب لحالـه
وان سايلك عني قل الطاق مطبـوق = جايـز ندبنـي بعـد شـي جرالـه
ياعم أنا قلبي مـن الهـم محـروق = وعزي لمن ظرف الزمان ارتكالـه
صبرت حتى أزريت والعبد مخلـوق = جاملـت عيـت لاتفيـد الجمـالـه
الشمس شمس القيض والغرب مشقوق = والبيـر هدمـت والعـزا بالمحالـه
وبضاعتي بارت قبل لانزل السـوق = وأسباب ماعانيـت طيـب وجهالـه
لأجل الحميه ماطلبنـا بهـا حقـوق = والله يعيـن اللـي رفيقـه حثـالـه
قلنا يبا ينـدم بعـد وقـت ويفـوق = لكن تمادى ليـن صـارت طوالـه
وشرهت أنا عاتق ومعتق ومعتـوق = لكن زمـان اليـوم مامـن رجالـه
راحوا هل الطولات والعلم والـذوق = اللـي يخلـون الصعايـب سهالـه
وراعي الغنم ماهو مثل راعي النوق=ماكل فارس قوم قـام وغـزا لـه
وراعي الاباعرجوه قوم لهـم شـوق = أن ماكسرهم روحـوا فـي حلالـه
حصلت لي دانه لها بوسط صنـدوق = (الطيب مـع بعـض الاوادم خبالـه