مساكم الله بالخير
كان الشاعر الرائع جايز جزا الحربي مبتعث الى لندن وكتب هالقصيده الى من يحب
بعد مارفض مدير مدرسته اعطاءه اجازه ليعود للوطن ,,
اللي على بالك على بـال مغليـك=نبغى الوصل وظروفنا مااسعفتنـا
انته تبي قربي وانـا ميـت فيـك=لكن دورة العيش عنـك ابعدتنـا
عكس الطريق اللي يجيبك يوديـك=للصدفه اللـي جابتـك وجرحتنـا
قدامهـا ماكنـت متولـع فـيـك=ياليـن فرصـة وقتنـا جمعتـنـا
أصبحت احبك واكره انسان يطريك=اغـار والغيـره عليـك انكبتنـا
والمشكله بادلتني نفس ما اعطيك=بـس الليالـي القاسيـة فرقتنـا
خلتني ابعد عن وطنكـم واخليـك=لاني جهة دارك ولا انتـه جهتنـا
انته سكنت بدار ربعـك واهاليـك=بالمملكـة دار عـزيـزه ربتـنـا
وانا ورى لندن ولا قـادر اجيـك=نطلب اجازة والبشر مـا عطتنـا
لا وافق المعهـد وقالـو نمشيـك=الملحقـيـه بالطـلـب عقدتـنـا
قالو لكم رخصة اذا بيّـض الديـك=وعيا يبيض الديك فـي مدرستنـا
لكن خلاصة هرجتي مولـع فيـك=منساك لو سـود الليالـي نستنـا
وهذا قصيده اخري للشاعر
ياطير ياللـي بالسمـا مرتفـع فـوق=تكفـى طلبتـك شيـل منـي رسالـه
اطلع سما والحق علـى كـل ملحـوق=حتـى تصيـر الأرض مثـل البيالـه
وانزل على دار نـزل دون ساحـوق=دارالحروب أهـل الوفـاء والشكالـه
ريف الخوي والضيف والعلم ماثوق=عنـدي علـى ماقلـت علـم ودلالـه
اقلوبهم للـي صفـا ريـش غرنـوق =وعلـى العـدو سـم تـورم حبـالـه
وسلم وسلم لي على عقـب مـرزوق=واختص عودي وانشده عـن حوالـه
واسرع لعمانـي قبـل كـل منطـوق=وحـاول تبـرز ببـو غالـب لحالـه
وان سايلك عني قل الطـاق مطبـوق=جايـز ندبنـي بعـد شـي جـرالـه
ياعم أنا قلبـي مـن الهـم محـروق=وعزي لمن ظـرف الزمـان ارتكالـه
صبرت حتى أزريت والعبـد مخلـوق=جاملـت عيـت لاتفـيـد الجمـالـه
الشمس شمس القيض والغرب مشقوق=والبيـر هدمـت والعـزا بالمحـالـه
وبضاعتي بارت قبل لانـزل السـوق=وأسبـاب ماعانيـت طيـب وجهالـه
لأجل الحميـه ماطلبنـا بهـا حقـوق=والله يعيـن اللـي رفيـقـه حثـالـه
قلنا يبـا ينـدم بعـد وقـت ويفـوق=لكـن تمـادى ليـن صـارت طوالـه
وشرهت أنا عاتق ومعتـق ومعتـوق =لكـن زمـان اليـوم مامـن رجالـه
راحوا هل الطولات والعلـم والـذوق=اللـي يخلـون الصعايـب سهـالـه
وراعي الغنم ماهو مثل راعي النـوق=ماكل فـارس قـوم قـام وغـزا لـه
وراعي الاباعرجوه قوم لهـم شـوق=أن ماكسرهـم روحـوا فـي حلالـه
حصلت لي دانه لها بوسـط صنـدوق=(الطيب مـع بعـض الاوادم خبالـه )
وتقبلوا تحيااااتي,,,,