=( ريماس )
=مرت ثلاث أيام والبال مـشـغـول
= سـارح ومـا كـني عايش مع الناس
=لا جيت أبهج شفتها عندي تقول
= يا بوي محتاجه حنانك والاحساس
=واقوم من نومي أدور في ذهول
= واقول من شاف القمر عذب الانفاس
=في الدار كانت تلعب بعرض ٍ وطول
= واليوم باقي من دفاترها قرطاس
=وردة حـياتي كل يوم ٍ في ذبول
= واحترت بامري وانطفت كل الحواس
=من مرضـهـا زادني هـم ونحول
= لا بـاس يا سـيد الغـنـادير لا بـاس
=تفداك روحي والمرض عنـّك يزول
= يا اغلى من الجوهر واغلى من الماس
=أدعيك يا الله وارتجي منك القبول
= يا الله عسى تشفي بعد عمري ريماس
=شعر / ضيف الله البدراني ( أبو وليد )