تعبت اقول لضيقتـي سهـود ومهـود
اليا متـى هالعـذر بيكـون عـذري
البارحـة يـوم اكثـر العالـم رقـود
عادت علي اللي تجي منيـن مـدري
الضيقة اللـي كـل ماراحـت تعـود
مكانهـا مابيـن قلـبـي وصــدري
ناسٍ تنـام مدهنـة فـي دهـن عـود
ونـاسٍ تنـام مدهنـة بزيـت مقـري
لاواهنـي اللـي حلالـة مـن الـذود
تسعين وضحى كل ماضـاق يسـري
يسـج معهـا كـل ماهبـت الـنـود
يتبع مسيل السيل فـي القـاع يجـري
((ماهوب مثلي من اقرب الناس مجحود
الله يسامـح مـن طعنـي بظهـري))
من راح ماكنه علـى القـاع موجـود
مايـدري انـه اول اسبـاب كسـري
كل ماطرالي قلت مـن قلـت الفـود
ياليـت منهـو راح ماعـاد يـطـري
لو تستحي من فعلهـا ايامـي السـود
كان استحت مبطي ولا طال صبـري
قدمـت بالموجـود لخاطـر الـجـود
ليـن التفـت ولابقـى شـي حـدري
عطيت من عمري ولا شفـت مـردود
ياللأسـف للنـاس ضيعـت عمـري
واذا افرحوا واجد على طيحـة العـود
هذا دليـل انـه فعـل شـي يغـري
بوقف لحالي واتبـع الطيـب والـزود
اشره علي ان صغـر الوقـت كبـري
ماني على بعـض المخاليـق محـدود
امـوت مانزَلـت للـنـاس قــدري
م ن ق ول