يالله يا كاشف عن أيوب مـا بـه= من الضر ياقابل مطاليب يعقـوب
يارب يوسف يا مصـدق جوابـه= يا مظهره من ماقع فيه مصلـوب
ياداعـي بنـداه موسـى واجابـه= يا جاعله غالب وفرعون مغلـوب
يا مخرج ذا النون يـوم اكترابـه= عقب اربعين بغبة البحر مسكوب
ولين لداؤود الحديد اكتسـى بـه= ومصخر لابنه من الريح مركوب
تفرج لممتحن يبـي منـك ثابـه= ضاق الفؤاد ودك به كل دالـوب
يوم ان ختال الزمان التـوى بـه= ما يرتجي لحذاك ياخير مطلـوب
هاب الرفيق اللي عرض لي جنابه= بالطيب وأظنه من الطيب منتـوب
يوم اتضح واليا الزمان امتشابـه= صارت مواعيده مواعيد عرقـوب
للشاعر,,, عبدالله بن سبيل