قــــــــــــــــــالــــــــــــــوا تسير قلت مامـن فضـا بـال
وقـــــــــــــــــــــــت(ن) على الاجواد مابه وناسـه
قـــــــــــم ســــــــــــــــــــو يـاراع المعاميـل فنجـال
كثـــــــــــــــــــــــــــــر بهـار الهيـل يغـدي عماسـه
هــــــــذا زمـــــــــان(ن) مقبل(ن) منه انـا ذال
نــــــــــــاس(ن) كلت ناس(ن) بخبث ونجاسه
قـــــــــــامت بصـــــــــــــاع المنكر النـاس تكتـال
ودلــــــــــــــــــــــــــت تبـاع الجوهـرة بالنحاسـه
واشــــــــــــــوف انـــــــــــا الاِسّـود خِشّـع وذلال
وقـــــــــــــــت(ن) به الحصني يدور الفراسـه
راع الجحــــــــش شــــــــــرهن على جدع خيال
متحــــــــــــــزم(ن) فوقـه بدرع(ن)وطاسـه
ولبــــــــاسة الجــــــــوخ الحمر وادهـم الشـال
قــــــــــــــــــــــــامـت تغولهـم عيـال البسـاسـه
مــــــــــــاينتعـــــــــــــــدل شيـل بقعـا اليـا مـال
ومنـيــــــــــــــــــــــــــن ماعدلتـهـا ماتـواسـه
يــــــــــاراعي الخصـــــرين والطوق وهـلال
اللـي شفــــــــــــــــــــاتينـه ســواة اللعـاسـه
اصبــــــــــر وعنــــــــد الله تصاريف الاحـوال
والقصــــــــــــــر مرجاعه على بنـي ساسـه
للشاعر / خلف ابو زويد السنجاري الشمري رحمه الله