[سفير الحميدات]

الاخ تركي الزايد بيض الله وجهك على هالموضوع اللي ما احد التفت له

لكن انا عندي حبوب اقوى من حبوبك الا وهي الالتجاء الى الله والدعاء
واخلاص النيه لله واسأل مجرب انا ولله الحمد لي سنتين تاركه واكره شي
اشوفه التدخين بس عانيت لين تركته مافيه لزقه ماشريتها مافيه حبوب ماشريتها
بالمختصر سويت المستحيل وبالاخير تركته بالعقل.
الطريقة اللي كنت اسويها اني اشتري بكت وارمي منه عشر زقاير واقول لنفسي يالله
باقي لك عشر زقاير وفرقيها على راحتك تبين تقضينها بساعتين والا عشر اهم شي غير
هالعشر مافيه وبعد اسبوع اخليهن 8 وهكذا الين وصلت الى زقارة وحدة باليوم وبقدر
الله صابتني سخنه قعدت اسبوع ماتحرك عرفت انها رحمة من الله وبعدها تركته نهائيا.
بس الاهم من هذا كله كنت مسوي طريقة الا وهي اي بكت اشتريه اروح اتصدق
بكثر الفلوس اللي شريتها فيه يعني انا اشرب بكتين دفيدوف يعني اشتري بــ 12 ريال
واتصدق بــ12 ريال يعني اصرف 24 ريال يوميا والحمد لله ربي وفقني.


اخي تركي جزاك الله خير الجزاء وهذي المواضيع والا فلا
وهذي عوايدك
تحيااااتي