=أكبر عيوبي
كل البشر فيها مزايات وعيوب = واكبر عيوبي طيبتي والصراحة
مهما يجي من بعض الأصحاب عذروب= أقول في نفسي يا زين السماحة
عندي لكل واحد من الناس اسلوب = صدري وسيع وزايد(ن) بالمساحة
وضح النقا ما ني على العوج مغصوب= العوج ما فيها نجاح وفلاحة
ولا ني من اللي يلبس الثوب مقلوب = ولا ني من اللي ينعقب في مراحه
ولا ني من اللي للقوانين مسلوب = لا من تكلم كل هرجه وقاحة
شربت من كل المواريد مشروب = شربت من مُر الزمان وقراحه
وشفت الزمن ما بين غالب ومغلوب= أيام فيها الكرب وأيام راحة
من فضل ربي بين الأجواد محسوب = ما جيت أفاخر بالحسن والملاحة
الزين يبقى للغنادير مكتوب = قولوا لخلــّي يسعد الله صباحه
= شعر / ضيف الله البدراني(أبووليد)