يا ابوي يالي لك ماحل طرياه = يفز قلبي بين الضلوعي
قلبي قام يتقطع من اقصاه = يبي يطير ويضمدنه دموعي
يا ابوي فكري ضايعن وين ابا لقاه = يا ابوي عقبك من يهدي فجوعي
يا ابوي قلبي موجعه كثر ماجاه = ابغى المقام وما تحمل منوعي
يا دمعتن بالعين ما انتي مخلاه = من عقب ابوي هاني الدمع وزوعي
بعض الخبر ياقشر مجيه وملفاه =من هولته مايسمعنه سموعي
قلبي محب والغلا كله اعطاه =تستاهله من بد كل الربوعي
النار والوسط الحشاء من حر فرقاه = انشهد اني من فراقه جزوعي
ياكثر دمعي لا سمعت طرياه =وباليل نومي على عظم قوعي
أمشي مع العالم على غير مشهاه = والهرج العالم على غير طوعي
ابوي دايم تكسب الخير يمناه = ابوي طبعه غير غير الطبوعي
مرحوم يا عودن مع الناس ذكراه =عساه بالجنة بالدار الوسوعي
وطالت الايام ما والله انساه = لو جات من دونه سنيناً جموعي
الهم في بالي على الله مشكاه = ولاني على مادبر الله جزوعي
ودي على شوفه وزوله ولماه =لاشفت خياله تجبر الضلوعي