ياعلـي حاتـم رد وموجـه لــكّ
عليـك تسمـع واستـلام الاشـاره
جتك البيوت اللي تضك النفس ضـكّ
بيوتً تهـدي مـن براسـه نعـاره
يوم اقلعن فكن ضلوع الحشـا فـكّ
من قوهـن صـدري تشلّـع ستـاره
من شاعرً هاجـوس قلبـه ليـا دكّ
راحت خواش الارض وسط الجحاره
بيتي ليا جبتـه مثـل كويـة الفـكّ
يصعب على الكرمـوع رد اعتبـاره
ماعندنا الا حك من حك فـي حـكّ
قصيدنـا ماهـو تــردد عـبـاره
خل الجمل في لاهب القيـظ يبـركّ
ومن الحدم يفرك على الارض زاره
والله لارك المـا علـى شاربـه ركّ
ليـن تطعـم بعـد شربـه مـراره
لا ولعت تكيـت خشـم العـدو تـكّ
لكـنّ خـل الليـل يتـبـع نـهـاره
ماهي علومً كلهـا هـك فـي هـكّ
ماتـوزم الفـارس يعسـف مهـاره
لاصار راس المـال مايلحقـه شـكّ
ماحسـب التاجـر لربـح وخسـاره
اليا ملكنا امـلاك ناخـذ بهـا صـكّ
ولاّ التمنـي مايجـيـب التـجـاره
لاصـار مايقـدح زنـادك وتفـتـكّ
لاتحـط راسـك للبواريـد شــاره
من دس راسه يا ابرق الريش ماافتكّ
الخـوف مافـك السمـق والحبـاره
يطلـع عليهـن حـرً اشقـر ليافـكّ
راحن طعام وحوش وسـط الخبـاره
ماهي علومً مـن ورا سلـك يشبـكّ
عـدو عينـي مايـواجـه بـثـاره
خـل الثعالـب بالثعالـب تحـكـكّ
والحر يشلـع فـوق راس الزبـاره
الشاعر حاتم الحريص