الشعر الأول ما أجمله = حكمه ووزن وقافية
فيه المعاني مُــكمــله =وبه القريحه صـافية
مفهوم ما احدٍ يجهله = ومعروف للـعرافية
ما فيه إشـاره مُغفله = ولا حتى لا النـافية
مثل العسل من منهله= طيّب يجيب العافية
علوم فخرومـرجله = وســــلوم قومٍ وافية
الان شعر الململه = مجهول دون اهدافية
اكتب كلام وسلسله= يصبح قصيدة ضافية
حتى القوافي مهمله= وخلاف ماش خلافية
اكثر بشر متطفله = وبالعافية متــــلافية
وبيوت صارت مقفله = ونيران صارت طافية
والنجر ما احد يجلله = والبن جاء نسكافية