[عبدالمطلوب مبارك البدراني]

هذه ابيات قلتها مواساه لاحد الاصحاب0 امل ان تنال رضاكم 0

يالله ياخالق من القوم زيزوم = رجلٍ يحب الطيبه ويغذاها
شبلٍ على الطالات بالعرف محكوم = يشفق على الجزله بعمره فداها
ياصاحبي بعض السوالف كما الدوم = الشجره اللي مايغذي نماها
اخير من بعض السوالف ترى الصوم= الصوم حمكه قالها اللي لقاها
ياماصبرنا والصبر صار معدوم= لاكبرت العله صعيبن دواها
واليوم طال الصبر والحال مهزوم= والحال يارجال زايد عناها
والله لوندله عن الناس ونشوم= لابد مانجني زوابع غثاها
والحر ماينزل على منزل البوم= له نظرةٍ بين النجوم وسماها
من عاش بالدنيا مايسلم من اللوم= لو قدم الحسنى مايلقى جزاها
بعض العرب هرجه كما ريح يشموم= خفف على كبد المعنى شقاها
وبعض العرب لاقفيت يرميك بسهوم= عايش على الغيبه وردة صداها
بالمجتمع مكروه منبوذ مذموم= مثل الخبيثه من لقاها هباها
وشرواك ياذيبان عن ماقلت محشوم= محشوم عن بعض العلوم ورداها