من هو صدوق الحب بين المواليف=وش المواري ياعرب كيف أعرفـه
قلولي اللي بالي الحـال ونحيـف=مسبوع حاله غـاديٍ تقـل قرفـه
لاحيه لحي العود ضحك التهانيـف=لحة مسيل لاحـي السيـل جرفـه
تواق في حب البنـي الغطاريـف=هام بغرامه تاه فـي حـب ترفـه
لياسمع زعج الغنـا والسواليـف=يصبح عليه الصبح مانـام طرفـه
راع الغلا دايم كثيـر التصانيـف=مايستريـح ولايعـلـم بظـرفـه
صمته وقار لياجلس مع عواريـف=وفي صبة الفنجال مافـان ذرفـه
حرٍ ربا بين الخشوم الشفاشيـف=وتقل بجحيم اليا جلس وسط غرفه
للشاعر //// معوض بن سودان الشاطري