هذه القصيدة طرحها الشاعر الكبير بدر الحويفي وطلب من خوياه اللي معه بالمقناص بمجارتها وجاراه اكثر من شاعر من ضمنهم ابو طيف وسانقل بقية القايد ان وجدتها...
بدع الشاعر الكبير /بدر الحويفي
عزي لكم يامدورين الحباري=بارض لواهيب الشموس احرقتها
على الجيوب تقصقصون الاثاري=والارض غبرا والغنم حايستها
مهما تجاوزتوا فجوج الصحاري=رحلاتكم يالربع وش فايدتها
خلوا ولعنا بالحمام الخضاري=ونفرح إلى من الطيور لحقتها
نرقد ضحا ونهد وقت العصاري=خلو مواترنا تطير غبرتها
لون بالسرعه علينا خطاري=الطير يطرد والمواتر تحتها
ومشكور ياللي للقصيده تجاري=علق عليها تنتشر سالفتها
واللي على قولي من الناس زاري=الناس دايم تختلف معرفتها
مجاراة الشاعر/فهد ذعار البدراني
سبحان من يرسل هبوب الذواري=ذعذاعها ماهو مثل عاصفتها
يالله لاتجعل ولعنا عزاري=بارض لدايجها زرعت بركتها
رايك يابوسلمان وانت استشاري=رحلة عمر معناك من تجربتها
احيان تشكي ضلها والغواري=واحيان تشكي قل في ذاهبتها
واهل الولع كثرو بكل المحاري=ودنياك شانت والوحوش حشرتها
واسلوب هد الطير هذا حضاري=لاجل الحباري لالقوا شاردتها
راع الولع في موتره مايداري=علامة الجوده وحي قرقعتها
عزي لطراد الولع بالبراري=كان الصقاره غيرت ماركتها