الأخ والشاعر القدير والعزيز جداً بدر (أبو خالد ) يعلم الله إني اتشرف فيك وبربعي كلهم ، ومقداركم عندي على الراس من فوق ، وشرفتني بهذه الأبيات وهذه الدعوة لأنها من أخ له في قلبي كل تقدير واحترام ، وصدقني لم أعلم بهذه الأبيات إلا عن طريق أخي العزيز عبد المطلوب ( أبو ناصر ) فأنا لي مدة طويلة عن المنتدى لأسباب ظروف خاصة ، إذا جيتك إن شاء الله راح اعلمك فيها وان شاء الله انك بتعذرني ون بغيت الحق تامر على راسي من فوق الحق لك مثني ومربوع ، وأشكر أخوي أبو ناصر وأخوي عبيد الله على تجاوبهم وهذا ردي المتواضع على أبياتك الجميلة يا بو خالد :
الطيب راعيه نوصله
لو كان أبعد من الحاير
صاحبك يبغاك تمهله
الوقت في حالته جاير
لي الفخر والسعد كله
أمشي على دربكم ساير
أخوكم/ضيف الله البدراني /أبووليد