سود الله وجه من يقدر وقصر= وبيض الله وجه كساب الجمايل
قلتها والعلم لويقصر يقصر= والرجال انواع والدنيا هوايل
والردي لو علموه ولو تبصر= عادتله دايماً كسب الفشايل
ولو بغها دونها غصب يتعثر = ولو يروم الكايده ماهوب شايل
يحسب ان الطيب يسهل لاتذكر= مايعرف انه سواة جبال حايل
مايعرف الطيب رجالً تنكر= للرجال اللي اطوع كل عايل
يقدره رجلً مزاجه ماتعكر= يكسب العليــــا ومن طايل لطايل
نصه اللي لنصو كنه مبشر= يضحك حجاجه لو ان الوقت مايل