السلام عليكم ورحمة الله وبركاته
مشاركة الشاعر / عبدالله سالم البدراني في مسابقة الشيخ محمد بن ناصر البدراني
بمنتديات البدارين ,,
يالله طلبناك يا لله لا تخيبنا=يا واحد نرتجي فضله ونعمل له
يا مالك الملك يا مرسي مراكبنا=تحفظ ملكنا بترحاله وفي حله
استرّت عيونا في شوف غا يبنا=وجه السعد والسعد في شوف عبدالله
من جيتك قامت الفرحه تداعبنا=والارض من حب عبدالله تزينله
يا ضيفنا يا ذرانا يا معزبنا=طلتك من غيبتك يا حي ها لطله
اهلا يا خونا يا ابونا اللي يحاسبنا=لكن حسابك لنا هو الحلا كله
ايوالله انك على الشيمه مدربنا=وإنك جبل وامة الاسلام في ظله
وشبابنا ما يخالف راي شايبنا=واليا عصيناه ماحنا عيال له
اعيونا ما تعلى عن حواجبنا=وعلى ولاة امرنا ما نقبل الزله
لكم ولانا حميتنا تعصبنا=طاعه وهيبه وذله ماهي بذله
تفكك الصف ما هو من مذاهبنا=من شذ عن صفنا خارج عن المله
البلبله والتحرش ما يناسبنا = وضعيف النفس نفسه لا تسوله
انه يزعل لحانا من شواربنا=لا هو ولا اللي وراه ومن يطبله
معلل الناس ما جابت حضا يبنا=والحمد لله سليمين من العله
يا سيدي والله ان الوضع معجبنا=وسياسةٍ يعلم الله ما بها خله
لنا الشرف يوم ابو متعب يسير بنا=اللي يعرف الطريق الصح ويدله
محقق العدل ومحقق مطالبنا =في ذمتي فلةٍ ما مثلها فله
عفا عن ديوننا زود رواتبنا=في عصره الزاهر الخيرات منهله
نعاهده ما نتوخر دون واجبنا =ارواحنا ملك هذا الرجل وفدله
ونرجو من الله على الطاعه يقربنا=والملك لله تعالى ثم عبدالله
الشاعر / عبدالله سالم البدراني