السلام عليكم ورحمته الله وبركاته اما بعد هذه قصيده للشاعر عبد الله منور البدراني
يمدح بها الشاعر راشد السحيمي
الشـعـر يفـخـر بـــرواده وساداته = مامات مع ناس دفنت في مقابرها
معروف مـن سخّـره لاجـات حزاتـه = حتى بيوته على المعنى يسخّرهـا
الشاعـر اللـي تعـز الـروس وقفاتـه= يكفي عن القـوم غايبهـا وحاضرهـا
راشد شاعر حرب معروفه مهمّاتـه= لامـن كـل القبايـل حضـر شاعرهـا
فـي منصـب حـر وموثـق علاقـاتـه= لاجات كل الحقايـق مـن مصادرهـا
ولاهي غريبه على راشـد مهاراتـه= ولاهو غريـب ان لـه حسـاد تنكرهـا
فالشعـر والمرجلـه يابـعـد نظـراتـه =تجـارب الـوقـت دارسـهـا وخابـرهـا
يلـعـب ومـعـنـاه يـاكـثـر اتجـاهـاتـه= ابيـات راشـد قليـل اللـي يفسـرهـا
متـذوّق الشعـر قــام يـكـرّر ابيـاتـه= يـــردد ابـيــات راشـــد ويـتـذكّـرهـا
فـي قمـة العـز صـولاتـه وجـولاتـه= حر من اساس الحرار ومن مواكرها
وختامهـا فالـسـلام وفــي براكـاتـه= فازكى صلاةٍ على المختار اعطرها