السلام عليكم ورحمة الله وبركاتة
وجدت هذه القصيدة في القسم وكانت رائعة وراقت لي كثير
كفى وفي اخونا ابو فيصل بمجاراتة
واحببت ان اشارككم بهذه القصيد مجاراه لها
عذرا سوريا )
ياسوريا عذراً تـرى المعتصم مـات=واهـل الـشـهـامة كـلهـم مـيـتـيـنا
يا سوريا لـوذي بــرب الـســمـوات=الـناصـر البـر الـمـعـزّ الـمـعيـنـا
لا فـيـك نــفـطٍ يـسـتـفز الخواجـات=والـعُـرْب عــن نـجدتْك مـتـخاذليـنـا
مـاغـير صــوت الجعجعـة فالقنوات=لـكنّ مـا شـفـنـا الرحـى و الـطـحينـا
اهل الخليـج اهمومهم في الزيادات=تـفـكيرنـا تـالِ الـشهر كم يـجـيـنـا
فصل الـشـتا كلّه تماشي وكـشتــات=والصيـف ب اسطمبول ولّا ب اثينا
ومع اتـساع العولمة فـي المساحات=طلـع ثـلاث اربـاعـنـــا مـلـحديـنـا
ياسوريا كربة ومنهـا سلامـات=النصر عندالله مهـو فـي يدينـا
نطلبك ياقايـل علـي الاجابـات=واني قريبـا واسمـع السايلينـا
نصرا موزر والتحام وفتوحـات=وارجاع عز اسلافنـا الفافحينـا
امين ياقادر على بعث الامـوات=في يدك كـل امورنـا يامعينـا
وياللي تقول المعتصم مات هيهات=المعتصـم موجـود منـا وفينـا
كم سطرو في سوريا من بطولات=احفاد ابو بكر وعمر والحسينـا
صحيح ينقصهم كثيـر المعـدات=لكنهـم فـي ربـهـم واثقيـنـا
ماهم تصريـح كنـق الولايـات=ويحاربـون الطاغيـه والخمينـا
وام العرب صدقت مثل المطبات=عشرين جلسة وابتدينـا انتهينـا
هذا الصحيح اللي علية الدلالات=الجعجعة تسمـع ولابـة طحينـا
جاريت ماسطرت ياراع الابيات=وتسلم على ماقلـت والله يعينـا
اللامع