الشاعر عبد الله بن بداي البدراني شاعر صافح شعره صفحات الجرائد قبل صفحات الانترنت قال فأبدع ومدح فأجزل لايمدح الا من يستحق المدح في هذه القصيده يشيد مدحا وثناء لرجل مشهود له بالخير والصلاح والعدل والتقى وهو فضيلة الشيخ حمد بن عقيل العقيل قاضي محكمة الشبيكية سابقا وعضو محكمة الاستئناف بالقصيم حاليا فهو بحق رجل يستحق المدح اطال الله عمره حفظه ورعاه
يوم ان وقتي عليّه شان=وضاقت عليّ المحاريفي
زبنت لمرجّح الميزان=بالطيب وايضا المعاريفي
شيخاّ لطيبه طلع برهان=متبين بالمشاريفي
الجاه لمن جاه له عنوان=يفزع ليا شيف ماشيفي
يرجي العوض من رفيع الشان=ماهي سوالف ملاقيفي
وساس الكرم قبله الجدان =يوم السنين الشواحيفي
ذباحت الحيل والخرفان=دهر والا وقتن امريفي
يشهد لهم الجار والضيفان=من نجد والا من السيفي
علمن موكد وله برهان =بليا قصيد وسواليفي
واقبل تحياتن عدد مابان=نجمن بنص السماء شيفي
[/poem]