الجرح الندي
كفي دموع العين لا تذبحيني= تذبحني دموعك ولالي وسيلة
إن كان قصدك بالحشا تجرحيني=يكفي جروح الوقت فيني نزيلة
ون كان ضاع الود بينك وبيني =الروح بسبابك تراها عليلة
ون كان ودك بالهوى تسأليني= قلبي على رد الجواب اسمحي له
ياما تجرعت الألم في سنيني=وياما نثرت الدمع من دون حيلة
ياللي بكل العاطفة محتويني=دنياي من دونك ترى مستحيلة
مهما بعدت يردني لك حنيني = إحساس صادق والمشاعر نبيلة
في داخل الوجدان حبك دفيني = يبقى على مر السنين الطويلة
نبغا نعيش الحب يانور عيني = على المودة والعلوم الفضيلة
يامالك الاحساس هذه يديني =مديتها والقلب يبكي خليلة
إما احتواك القلب ولا تركيني =أعاتب الجرح الندي واشتكي له
وصيتي لا مت أنا تذكريني = عند المكان اللي سمرنا بليلة
= أبووليد ،،،