ياجاحد فعول اهل المرجله روح
المرجله نتعب بها وانت مرتاح
وليا هرجنا هرجنا سم ذحذوح
يوجعك لاونك بما قلت مزاح
ديور وراك وقدمك الباب مفتوح
مفتوح مايحتاج نعطيك مفتاح
جعله مهف مقيط ورشاه يالوح
والله مانبكي على الاش لاراح
المجد حنا اللي بنينا له صروح
والطيب لبسناه تيجان ووشاح
يوم انها باالسيف ذابح ومذبوح
يطرق علمناباالسماء فوق ماطاح
الارض من وطيت جدودي لهافوح
سيوف فارقاب العداء لين تنزاح
اعطيك ماعندي وابازيدك جروح
تراي للي مثل شرواك جراح