للشاعر الكبير ( رجالله الحربي ) عليه رحمة الله
وهما من حفلة جرت في الدمام عام 1416 هـ على ما أظن
وقد شارك في تلك الحفلة : صياف الحربي / رجالله الحربي / حبيب العتيبي / فيصل الرياحي البقمي
ــــــــــــــــــــــــــــــــــــــــــــــــــ ـــــــــــــــــــــــــــــــ
وهي الأولى :
بين حبيب العازمي العتيبي , ورجالله الحربي ,,,
وكان حبيب هو البادئ :
حــــــــــــــبــــــــــــــيــــــــــــــب :
سلام الله واعاد الله علانا كـل عـام العيـد = وادام الحكـم لآل سعـود حكـام السعوديـة
احد جا من قريب واحد جاي من مكان بعيد = معي خمسة حروب ومعي اخوية فيصل العية
رجـــــــــــــــــــــــــــــــــــــــــا الله :
هلا يامرحبا والله يثبت رايـة التوحيـد= اقولـه مـن هجـوس صادقـة والنيـة النيـة
الا يالشيخ ابن غانم والا يالفارس ابو زيد= دعاكم حظنـا مـن داركـم دعـوات رسميـة
حــــــــــــــبــــــــــــــيـــــــــــــــب:
رجا الله يارجا الله لك ثلاث سنين ولا ازيد = وانا ماشفتـك الا جالـس فـالارض هذيـة
علشان الحروب احبهم قمت وطويت البيد =بعون الله لاجيهـم لـو ادرهـم فـوق رجليـة
رجـــــــــــــــــــــــــــــــــــــــــا الله :
حبيب ياحبيب خذ على هالسالفة تاكيـد=عيونـك ماتشـوف ومعـك نظـارة صناعيـة
تجي وتروح والمعروف ماله بيننا تحديـد= وانـا كـم رحـت للعتبـان بالـدار العتيبيـة
حــــــــــــــبــــــــــــــيـــــــــــــــب:
يا قل الهرج ياكثره وياشينه مع الترديد = عيونـي لـو احيمرهـا معـك ماتلتفـت فيـه
اعرف اللي يصيد الصيد واللي مايصيد الصيد= واعرف اللي مع الحارات يلعب طاق طاقية
رجـــــــــــــــــــــــــــــــــــــــــا الله :
ياكثر الهرج ياقل الفعل ياراعي التهديد = ليا حيمـرت عينـك جتـك مربوعـة ومثنيـة
اعرف العازمي من قبل جعله مايفيـد الفيـد = تـراه الـي بجيبـه قنبلـه ماهـي بذريـة
حــــــــــــــبــــــــــــــيـــــــــــــــب:
لولا صياف بن عواد فيها اخذتكم من حيد = لكني مستحي من صاحبـي وحسابـه شويـة
نجيب القنبلة ونكايد اهـل العنـف واهـل الكيـد = لكنـك لاتقربهـا تراهـا هيدروجيـة
رجـــــــــــــــــــــــــــــــــــــــــا الله :
تقوله وانت في راسك خطام وفي رجولك قيد= يابو راس صغير وداخلـه تسعيـن جنيـة
ولا يا الشايب اللي بدلوا عقله بعقل وليـد = اثـر راديـك هنـدي لكـن اخبـاره محليـه
حــــــــــــــبــــــــــــــيـــــــــــــــب:
دخيلك لاتسيّد للسيادة وانت مانت بسيـد = يابـو راس كبيـر وداخلـه مـن جنـي بليـة
عساني يارجا الله كاني مت الصبح اموت شهيد = لكن انته عساك تموت بين الشمس والفيـة
رجـــــــــــــــــــــــــــــــــــــــــا الله :
نبي نمسح على قلبك ولا نسألك ويش تريد=لعل تصير لك عنـد اهـل البحريـن شعبيـة
عساك تموت موته كاش واحسن لك من التقصيد = بعد مارزّت الاهـداف بريـة وجويـة