محاورة بين الشاعرين
رجاالله الحربي , رحمه الله , وصياف بن عواد الحربي
وكان رجاالله هو البادي :
ــــــــــــــــــــــــــــــــــــــــــــــــــ ـــــــــ
رجالله :
ارتاح ياشاعر عتيبة والرياحي لايقوم=ابمزح على صياف ابـن عمـي وابسولـف معـه
وان كان ضيقنا ووصل الضيق لا روس الخشوم = ماكل رجال ينوش الخشم في راس اصبعه
صـــــــــــــــــــــيــــــــــــــــــــــاف:
صحيح من قال الحقيقة راحو الصدقان قوم=ريحت عدوانك وتبغـى لـك صديـق تتبعـه
اليا وصل وقت الزعل مايزعلون الا الرخوم = هذا الكلام اللي نغنـي بـه وسمعـك يسمعـه
رجالله :
لو مانحد السيف ياصياف مايقضي لزوم=باحـد سيفـي وارفعـه باحـد سيفـي وارفعـه
القطب وسهيل اليماني عالية فوق النجوم = واصحى تصير الاربعين البيـض خمسـه واربعـه
صـــــــــــــــــــــيــــــــــــــــــــــاف :
وراك ماساعدتني على عتيبـة والبقـوم =برطمـك ماتصبـر عنـه ترخيـه ولا ترفعـه
ماتذكر ايام البراد الا ليا اونست السموم = والنجم الاقشـر لـو طلـع خلـه يـروّح لسنعـه
رجالله :
لو انت جالس في خطر نجلس معك ولا نقوم = مار انت عند اصحابنا ترعى الحلال وتجمعه
اذكرك وانته منتصر وابكيك لو رحت مهزوم = والى عطاك ابليس بشت الصوف شقه وارقعه
صـــــــــــــــــــــيــــــــــــــــــــــاف :
عز الله انك كنت فارس قوم وحصانك عزوم = مار اعترضك الفارس اللي ضربتك ماتوجعه
انته لسانك مثل حد السيف في بعض العلوم =لكن ماتعرف حليـب الديـس حتـى ترضعـه
رجـــــــــــــــــــــــــــــــــــــــــــا الله:
عز الله اني فارس قسمه كبير من القسوم=لو ان راسـك مثـل راس القـوم والله لاقطعـه
ان صارت الحسنة خصوص وصارت السيّه عموم = ان ماكتلت الذيب ياصياف والله لافجعه
صـــــــــــــــــــــيــــــــــــــــــــــاف:
قبل امس ماشفنا شعاع الشمس من كثر الغيوم =والسن الابيض لادخله السـوس والله لاقلعـه
انته وانا كنا جماعه والصداقه ماتـدوم= والهـوش لاطـول يبـا واحـد حكيـم ويفرعـه